ഒരു പുല്‍ക്കൊടിയുടെ ഹൃദയം മന്ത്രിക്കുന്നു
താരകള്‍ വിളറുന്ന നിശബ്ദയാമങ്ങളില്‍
കേള്‍ക്കൂ പ്രിയയാത്രികാ നിന്റെ കാലടിയില്‍ ഞാന്‍
ഞെരിഞ്ഞമരുന്നു മൌനപ്രണയമായ്
ഞാനിരിക്കുന്നേന്‍ ഇരുള്‍ ഊഴിയെ ഒളിക്കുമ്പോള്‍
വെളിച്ചം ചുരത്തുന്ന ചന്ദ്രനായ് കുമുദിപോല്‍
മിഴികളിലുദിച്ചില്ല ചന്ദന നിലാവുകള്‍
അസ്തമയ സൂര്യന്റെ ദീര്‍ഘപ്രതീക്ഷകള്‍
ചിന്തകള്‍ വരണ്ടു വിണ്ട പാടങ്ങളില്‍
കതിരുകള്‍ കരിയുന്ന മണ്ണിന്റെ നോവുപോല്‍
ഞാന്‍ മറന്നുപോയെന്‍ മധുസ്മൃതികളില്‍
പൂത്ത കരളിന്റെ ഉത്സവവേളകള്‍
പഥിക കാത്തിരിക്കുന്നു അനന്തമായ്
നീളുമെന്റെ ജീവായുസിന്‍ അറുതിയില്‍
എന്നിലേക്കുരുകി അലിയുന്ന പ്രണയമായ്
നീയണയുമാ മോഹന മാത്രയെ
നോവുകത്തിത്തിളക്കുന്ന സ്ത്രീത്വമായ്
കാത്തിരിപ്പൂ ഞാന്‍ പൂര്‍ണമാം പൌരുഷം
നീ ശിവം,ശക്തിയാകുന്നു ഞാന്‍ പ്രഭോ
നമ്മള്‍ ചേരുമ്പോള്‍ അര്‍ദ്ധനാരീശ്വരം
ഞാന്‍ ജഗത്തിന്‍ ജനനി,നീ മം‌ഗളം
നമ്മള്‍ ചേരുമ്പോള്‍ സര്‍വ്വവും മം‌ഗളം
Subscribe to:
Post Comments (Atom)
5 comments:
പുതുവത്സരാശംസകള്‍!
കൊള്ളാം
ആശംസകള്‍
നന്നായിരിയ്ക്കുന്നു, പുതുവത്സരാശംസകള്‍!
:)
നല്ലവരികള്‍, പുതുവത്സരാശംസകള്‍.
Ninte paathiyil alinju cherumbol nee poornayakum.
Good ...
Post a Comment