ഞാന്‍ തിരയുന്നു നീലനിലാവിലെന്‍
നിദ്രതന്‍ നിഗൂഢമേഘങ്ങള്‍
കാലത്തിന്‍ പീലി വിടര്‍ത്താടുമോര്‍മ്മകള്‍
നീള്‍മിഴിത്തുമ്പില്‍ തുളുമ്പെ
ഏതോ കിനാവിന്റെ നൊമ്പരപ്പാടുമായ്
കാര്‍മുകില്‍ വാനില്‍ പിടയ്ക്കെ
ആരേ വരുന്നുവെന്‍ ഓമനപ്പീലികള്‍
പൊട്ടിച്ചെടുക്കാന്‍ പതുങ്ങി
മെല്ലെ കിതക്കുന്നു ഉള്ളം നടുങ്ങുന്നു
നോവുന്നു പീലികള്‍ പോകെ
ആരേ കവര്‍ന്നതെന്‍ വര്‍ണങ്ങളെന്നുഞാന്‍
മെല്ലെത്തിരിഞ്ഞു നോക്കുമ്പോള്‍
കഷ്ടം ഞാന്‍ കണ്ടതെന്‍ പീലികള്‍ ചൂടിയ
പൊന്‍‌വേണു ഗായകനല്ലോ
4 comments:
അടക്കത്തോടെ മനോഹരമായി എഴുതിയിരിക്കുന്നു.
:)
Welcome
:)
സ്വാഗതം ബൂലോകത്തേയ്ക്ക്...
തുടരുക ഇത്തരം മനോഹര കവിതകളായും കഥകളായും ....
നന്നായിരിക്കുന്നു...
സ്വാഗതം.
:)
Post a Comment